Eva og Ragnhildur eru jafnar fyrir lokadaginn
Hin sextán ára Eva Kristinsdóttir úr GM jafnaði við Ragnhildi Kristinsdóttur úr GR en þær eru báðar á einu höggi undir pari eftir 54 holur á Íslandsmótinu í Leiru. Eva lék af miklu öryggi þrátt fyrir að hafa aldrei verið í toppbaráttu í stærsta móti ársins, og er á tveimur undir í dag en Ragnhildur var á pari. Þriðja er Hulda Clara Gestsdóttir úr GKG á tveimur yfir pari.
Guðrún Brá Björgvinsdóttir úr GK, Andrea Björg Bergsdóttir úr GKG og Karen Guðnadóttir úr GS eru í næstu sætum.
Ragnhildur á 17. teig í þriðja hring.
Hulda Clara hvílir lúin bein á bekknum í Bergvík.
