Þær bandarísku unnu Solheim bikarinn

Þær bandarísku stöðvuðu sigurgöngu Evrópu í Solheim bikarnum og unnu eftir skemmtilega baráttu með 15,5 vinningum gegn 12,5. Leikið var á Robert Trent Jones vellinum í Gainesville í Bandaríkjunum. Evrópa freistaði þess að sigra þriðja skiptið í röð en það gekk ekki á heimavelli þeirra bandarísku.

Heimakonur byrjuðu mjög vel og unnu tvær fyrstu umferðirnar 3-1 og leiddu 6-2 eftir fyrsta keppnisdag. Þær evrópsku hressust eftir erfiða byrjun en báðar umferðirnar á öðrum keppnisdegi enduðu með jafntefli. Það var því erfitt verkefni að vinna upp 4 vinninga mun á lokadeginum þegar leikinn var tvímenningur en fyrstu tvo dagana voru leiknir fjórmenningur og fjórleikur þar sem tveir leikmenn leika saman í liði. Evrópa vann lokaslaginn 6,5-5,5 en vantaði upp á til að jafna leikinn til að halda bikarnum.

Hér má sjá skemmtilega samantekt í myndskeiði.

The cup is staying in the States 🇺🇸 pic.twitter.com/MV0LTFgnAg

— LPGA (@LPGA) September 15, 2024