Hulda Clara í 2. sæti fyrir lokadaginn í Tékklandi
Hulda Gestsdóttir er í 2. sæti og fyrir lokadaginn á Check Ladies mótinu á LET Access mótaröðinni sem fram fer í Tékklandi. Hulda er á pari eftir 36 holur, höggi á eftir forystukonunni Natalie Armbruester frá Sviss.
Aðstæður voru erfiðar á öðrum keppnisdegi því lægsta skor dagsins var 72 högg, parið en það var einmitt skor Huldu Clöru í dag. Hún fékk þrjá fugla og þrjá skolla.
Þetta er fyrsta ár Huldu á LET Access mótaröðinni en hún hefur byrjað vel og er fyrir þetta mót í 24. sæti á stigalistanum.
Ragnhildur Kristinsdóttir lék annan hringinn á +6, 78 höggum og fékk sjö skolla og einn fugl. Hún er jöfn í 16. sæti á 150 höggum.
Andrea Bergsdóttir lék líka á 78 höggum í dag og er +9 eftir 36 holur jöfn í 33. sæti.
