Tvöfaldur skolli á síðustu holu kom í veg fyrir sigur hjá Huldu Clöru
Hulda Clara Gestsdóttir, GKG og Íslandsmeistari 2024 og 2021 endaði í 2. sæti á Boilermaker Spring Classic háskólamótinu sem lauk í Indiana fylki í Bandaríkjunum í gær. Hulda lék á sex höggum undir pari og hringina þrjá á 69-70-71.
Hulda var með forystu í mótinu þegar níu holur voru eftir og forskotið fór í tvö högg á tólftu holu. Elise Fennel sem sigraði á mótinu og Clara voru jafnar í heildina þegar þær komu á 18. brautina í lokahringnum en þar fékk Íslandsmeistarinn tvöfaldan skolla og Fennell fékk skolla, höggi minna og tryggði sér sigurinn í blálokin.
Skólinn sem Hulda stundar nám við, Denver University, varð í 2. sæti í liðakeppninni.
