Public deli
Public deli

Fréttir

Ragnheiður stöðvaði sigurgöngu Þórdísar - spenna í öllum flokkum hjá LEK
Íslandsmeistarar LEK 2024: Hannes, Guðrún, Ragnheiður og Hjalti. Mynd/seth-golf.is
Páll Ketilsson
Páll Ketilsson skrifar
mánudaginn 1. júlí 2024 kl. 10:17

Ragnheiður stöðvaði sigurgöngu Þórdísar - spenna í öllum flokkum hjá LEK

Það var hart barist á Íslandsmóti öldunga sem fram fór á Leirdalsvelli GKG um síðustu helgi. Níu ára sigurgöngu Þórdísar Geirsdóttur var stöðvuð af Ragnheiði Sigurðardóttur. Spennandi keppni var í öllum flokkum.

Ragnheiður og Þórdís háðu harða baráttu í yngri flokki kvenna (50 ára og eldri) sem náði fram á síðustu holu en Ragnheiður vann með einu höggi en þær léku báðar lokahringinn á 78 höggum. Þriðja varð María M. Guðnadóttir.

Sama var uppi á teningnum hjá körlum í 50+. Hjalti Pálmason vann með einu höggi en Jón Karlsson sem hafði titil að verja varð annar og Úlfar Jónsson þriðji.

Örninn sumar 2024
Örninn sumar 2024

Í eldri flokkki kvenna (65+) vann Guðrún Garðarsdóttir upp sex högga forskot Elísabetar Böðvarsdóttur á lokahringnum og tryggði sér sigur. Þriðja varð Stefanía M. Jónsdóttir.

Í eldri flokki karla (65+) sigraði Hannes Eyvindsson en hann var tveimur höggum betri en Sæmundur Pálsson sem sótti að honum í lokahringnum. Sigurður Aðalsteinsson var þriðji.

Keppendur voru 122 og voru leiknar 54 holur.

Konur +50 ára:

  1. Ragnheiður Sigurðardóttir, GKG 238 högg (+25) (78-82-78).
  2. Þórdís Geirsdóttir, GK 239 högg (+26) (84-77-78).
  3. María Málfríður Guðnadóttir GKG (+44) (85-88-84).

Karlar +50 ára:

  1. Hjalti Pálmason, GM 217 högg (+4) (74-72-71).
  2. Jón Karlsson, GR 218 högg (+5) (69-80-69).
  3. Úlfar Jónsson, GKG 220 högg (+7) (77-73-70).

Konur +65 ára:

  1. Guðrún Garðars, GR 259 högg (+46) (88-87-84).
  2. Elísabet Böðvarsdóttir, GKG 260 högg (+47) (87-82-91).
  3. Stefanía Margrét Jónsdóttir, GR 276 högg (+63) (92-88-96).

Karlar +65 ára:

  1. Hannes Eyvindsson, GR 236 högg (+23) (76-77-83).
  2. Sæmundur Pálsson, GR 238 högg (+25) (80-82-76).
  3. Sigurður Aðalsteinsson, GSE 240 högg (+27) (79-80-81).