Framkvæmdir í Kiðjabergi - vökvunarkerfi á allan völinn

Framkvæmdir við stækkun á eldhúsi golfskálans og nýja starfsmannaaðstöðu fyrir golfvallarstarfsmenn eru nú í fullum gangi við hliðina á 2. braut á Kiðjabergsvelli. Undirstöðuvinna er í fullum gangi, og unnið er að því að gera klárt fyrir að setja upp tilbúin hús á grunninn á næstu vikum, segir á heimsíðu klúbbsins.

Á myndum má sjá Þórhalla Einarsson, varaformann vallarnefndar, ásamt Pétri J. Haraldssyni og Einari Erni Einarssyni sem eru að taka fullan þátt í framkvæmdum. „Bætt eldhús- og starfsmannaaðstaða er mikill hvalreki fyrir golfklúbbinn, þar sem það mun bæta til muna þjónustu við kylfinga og aðstöðu fyrir golfvallarstarfsmenn.

Þá er einnig fyrirhugað að klára lagningu vökvunarkerfis fyrir seinna níu um leið og vorar og aðstæður leyfa. Með því verður allur völlurinn kominn með sjálfvirkt vökvunarkerfi af nýjustu gerð, sem mun tryggja betri vökvun og bættra leikskilyrða fyrir alla kylfinga,“ segir í pistlinum.