Matarsendill fyrir tveimur árum - vann í fyrsta sinn á DP Evrópumótaröðinni
Joe Dean vann sinn fyrsta DP World Tour-titil á heimavelli þegar hann fékk 11 fugla á 24 holum á lokadegi Husqvarna British Masters-mótsins á hinum sögufræga Belfry velli í Birmingham um síðustu helgi.
Eftir að veður truflaði fyrstu tvo dagana á The Belfry Hotel & Resort sneri hann aftur til að ljúka þriðja hring klukkan 7:00 á sunnudagsmorgni, átta höggum á eftir efsta manni, og náði tveimur höggum til að minnka muninn í sjö högg fyrir lokahringinn.
Á meðan restin af keppendum átti í erfiðleikum í rokinu fékk Dean níu fugla í viðbót á 63 höggum, sem var lægsta skor vikunnar, og setti viðmiðið á 14 höggum undir pari.
Þegar lokahópurinn og helsti keppinauturinn Marco Penge var á 12. holu, tveimur höggum á eftir, biðu maðurinn frá Sheffield og eiginkona hans og kylfuberi, Emily, í ofvæni eftir því hvort hann myndi lyfta bikarnum.
En hinn högglangi Penge gat ekki nýtt sér par-fimm holurnar 15 og 17 og því stóð Dean uppi sem sigurvegari með þriggja högga mun.
Dean vann við útkeyrslu á matvörum fyrir tveimur árum þegar hann var að feta sig áfram í atvinnumennsku.
Þetta var fyrsta mótið sem telur til stigakeppni fyrir val á Ryderliði Evrópu sem keppir við Bandaríkjamenn á Írlandi á næsta ári.
WHAT A FINISH! @joedean_golf birdies the last and sets the clubhouse target at -14 👌#HusqvarnaBritishMasters pic.twitter.com/a9lK4TNZnX
